‎ﮔﺎﺅﮞ ﮐﮯ ﭼﮭﻮﭨﮯ سے ﮔﮭﺮ ﻣﯿﮟ ﮐﭽﮫ ﻟﻤﺤﮯ ﻣﮩﺘﺎﺏ ﺭﮨﺎ

‎ﻟﯿﮑﻦ ﺍﺱ ﮐﯽ ﯾﺎﺩ ﮐﺎ ﭘﻮﺩﺍ ﺑﺮﺳﻮﮞ ﺗﮏ ﺷﺎﺩﺍﺏ ﺭﮨﺎ

‎ﺍﭘﻨﯽ ﺳﺎﺭﯼ ﮔﻢ ﺷﺪﮦ ﺑﮭﯿﮍﯾﮟ ﺟﻤﻊ ﺗﻮ ﮐﯿﮟ ﭼﺮﻭﺍﮨﮯ ﻧﮯ

‎ﺍﻥ ﺑﮭﯿﮍﻭﮞ ﮐﮯ ﭘﯿﭽﮭﮯ ﭘﯿﭽﮭﮯ ﭘﻮﺭﮮ ﺩﻥ ﺑﮯ ﺗﺎﺏ ﺭﮨﺎ

‎ﻓﺼﻞ ﺧﺰﺍﮞ ﮐﯽ ﺷﺎﺥ ﺳﮯ ﻟﭙﭩﺎ ﺑﯿﻠﮯ ﮐﺎ ﺍﮎ ﺗﻨﮩﺎ ﭘﮭﻮﻝ

‎ﮐﭽﮫ ﮐﻠﯿﻮﮞ ﮐﯽ ﯾﺎﺩ ﺳﻤﯿﭩﮯ ﺭﺍﺗﻮﮞ ﮐﻮ ﺑﮯ ﺧﻮﺍﺏ ﺭﮨﺎ

‎ﺑﭽﮭﮍﮮ ﺗﮭﮯ ﺗﻮ ﺳﺎﮐﺖ ﭘﻠﮑﯿﮟ ﺳﻮﮐﮭﮯ ﭘﯿﮍ ﮐﯽ ﺷﺎﺧﯿﮟ ﺗﮭﯿﮟ

‎ﺍﺱ ﺳﮯ ﺑﭽﮭﮍ ﮐﺮ ﺩﻭﺭ ﭼﻠﮯ ﺗﻮ ﮐﻮﺳﻮﮞ ﺗﮏ ﺳﯿﻼﺏ ﺭﮨﺎ

‎ﺟﺴﻢ ﻧﮯ ﺍﭘﻨﯽ ﻋﻤﺮ ﮔﺰﺍﺭﯼ ﺳﻨﺪﮪ ﮐﮯ ﺭﯾﮕﺴﺘﺎﻧﻮﮞ ﻣﯿﮟ

‎ﺩﻝ ﮐﻢ ﺑﺨﺖ ﺑﮍﺍ ﺿﺪﯼ ﺗﮭﺎ، ﺁﺧﺮ ﺗﮏ ﭘﻨﺠﺎﺏ ﺭﮨﺎ

علامہ طالب جوہری

…..

‎دیار ہجر میں تجدید عاشقی کے لیے

‎ہم ایسےلوگ ضروری ہیں ہرصدی کے لیے

‎بہ نام زہرہ جبیناں جگر کو خون کر

‎لہو جلایا مزاروں کی روشنی کے لیے

…..

‎گھٹے تو جــہـل ِ مرکب، بڑھے تو کــــرب ِ حیات

‎یہ آگــــہــی بھی مصــیـبـت ہے آدمـــــی کے لئے

…..

‎جہت کو بے جہتی کے ہنر نے چھین لیا

‎مری نگاہ کو میرے ہی سر نے چھین لیا

‎ہے کس کے دست کرم میں مہار ناقۂ جاں

‎سفر کا لطف غم ہم سفر نے چھین لیا

‎میں اپنی روح کے ذرے سمیٹتا کیوں کر

‎یہ خاک وہ تھی جسے کوزہ گر نے چھین لیا

‎بھٹک رہے ہیں جوانی کے نارسا لمحات

‎بہت سے گھر تھے جنہیں ایک گھر نے چھین لیا

‎بقول غالبؔ دانا گزر ہی جاتی یہ عمر

‎مگر اسے بھی ترے رہ گزر نے چھین لیا

‎سفر کی روح تھا وہ ذوق جستجو طالبؔ

‎جسے چراغ سر رہ گزر نے چھین لیا

‎— طالب جوہری