جمعیۃ علما ہند کے ناظم اور سرکردہ دیوبندی عالم مولانا محمود مدنی نے پاکستان کے ذریعہ جنگ کی دھمکیوں کو مسخرہ پن قرار دیا ہے۔ قومی دار الحکومت دہلی میں بھارت کے مشہور عالم دین اور جمعیۃ علماء ہند کے ناظم مولانا محمود مدنی نے پاکستان کے ذریعہ جنگ کی دھمکیوں کو مسخرہ پن قرار دیتے ہوئے کہا کہ ‘پاکستان کی حالات ‘کھسیانی بلی کھمبا نوچے’ جیسی ہے۔ ان سے کچھ نہیں ہوتا تو یہ سب کہتے ہیں’۔ انہوں نے مزید کہا کہ ‘ان کی دھمکیوں کا جواب دینے کے لیے حکومت ہے ، جو جواب دیں گے’۔ پاکستان کے ذریعہ بھارت کے مسلمانوں کی آڑ لینے کے الزام پر انہوں نے کہا کہ پاکستان پہلے اپنے یہاں دیکھے۔ انہوں نے طنز کرتے ہوئے کہا کہ کیا پاکستان میں مسلمانوں کے ساتھ بہتر انصاف ہورہا ہے۔